अलिकति मनमा छ चोट,
अलिकति जीवनमा खोट,
तैपनि भवसागरमा जित्छु नै भन्ने,
मेरो यो मनको अठोट ।।
ग्रहण गर्न बाँकी छ थाँती,
छोटो दिन अन्धकारमय राति,
तैपनि कर्तव्यमा सफल हुने विश्वाश,
मेरो शिर भन्दा पनि माथि ।।
पाइला पिच्छे जमिनमा छन् चिरा,
भावना कति मीठा त कति अमिला पीरा,
तै पनि यो अन्धकारमय खानीमा,
मेरो हात पर्ने छ एकदिन हीरा ।।
वरिपरि छरिएका सयौं आकार,
कति कलात्मक त कति विकार,
तै पनि यो निराकार चित्र पेटिमा
मैले कोरेको सपना हुने छ साकार ।।
