खोलि राखेको कलम मसी सहित सुकेछ,
पल्टाई राखेको पाना कचक्कै खुम्चेछ ।
भावनाका वर्षा बारबार चुकेछन् ।
शब्दको पहिरन विना; भावना मनमै लुटिएछन् ।।
जन्म हुनु अघावै, शरीर चोरिएको अवस्था,
मेरा अजन्मा भावनाहरुको; तीतो व्यथा ।
निस्कन खोज्छन् एक रुपमा,
पोखिन्छन् बेसुरमा ।।
उमडिन्छन् , छटपटिन्छन् , घचेेटिन्छन् ।
भित्र भित्र व्यथामा लट्पटिन्छन् ।।
शरीर नभेटि, प्रेत बनेको;
विचारको वायुमण्डलमा चाहार्ने भूत ।
मेरै पछाडी छाया बनी लागेको,
माग्छ बारबार ब्याज सहित सुद ।।
