सत्य ?

कथाको जति नै बदलिउन् अध्यायहरु,
सार बदलिए कथा भट्किने पो रहेछ ।
व्यथाको जति नै बदलिउन् पाटाहरु,
उपचार नबदलिए घाऊ चर्किने पो रहेछ ।।

'समय' बदलावको पो मात्र आफ्नो रहेछ,
हामी त उसैका पर्यटकहरु खालि ।
आयो, घुम्यो, दुई चार तस्विर लियो,
जाने बेलामा सम्झना मात्र झोलामा हालि ।।

अलिकति जीवन रसिलो बनाउने प्रयास,
अलिकति जीवन चम्काउने सबको आश ।
मान्छेको रुपमा खटाइएको हामी सब काम-दार,
खुशीको बेला जीवन दुई दिनको; आँशुमा चार ।।