कोही परदेशिन्छन् चाहानाले, कोही वाध्यताले ।
यी दुईको बीचमा एक हुल छ यस्ताको
जसको विदेशिनू पछाडि समाजको हात छ,
व्यर्थमा कुरा काट्नेहरुको एक जमात छ ।।
फलानोको छोरो अमेरिका गयो,
ढिस्कानोको छोरी अर्ष्टेलिया,
आजकल त पूरै गाऊँ नै,
सरेको छ बसाईँ - कुवेत र मलेसिया ।।
यस्तो नेपाल देशमा के बस्नू ?
क्यानाडाको त बरू हिउँ पनि भुवा ।
नेपालमा सानो काम गर्नु भन्दा
बरु दुवई मै खनौंला वालुवा ।।
यी सब अर्थहीन कुरा गर्नेहरुको
अर्थहीन कुरा बारबार सुन्दै ।
विदेशिनु पर्छ भन्ने ,
मन्त्रको जप बारम्बर गर्दै ।
आजकल मानव सोत्रको निर्यात
गर्दै गरेको नेपाल समाजको अवस्था,
त्यसमाथि घरबार बेच्नलाई
प्रोत्साहन गर्ने व्यापारिक व्यवस्था ।।
सरकार पैसा वटुल्दै व्यस्त,
व्यापारिहरु व्यापार बढाउँदै मस्त
देशका स-साना टुक्रा यताउता छरिदै,
घाऊ लाग्नेहरुको गह झन् झन् छ भरिदै ।।
No comments:
Post a Comment