चक्र

 खोला नालालाई पहिले दुषित गराई,

फेरि प्रशोधनको नाममा;

तिनमा  रसायन डुबाई ।

'सोडा' ले भरिएको पेय पदार्थ बनाई,

खिल्ली उडायौ मान्छे, तिमीले प्यासको;

      हर घुट्कोमा अवधि घटाई आफ्नो सासको ।।

बिगार्छौ तिमी, अनि बनाउने प्रयासमा गर्छौ व्यापार।

रोग दिन्छौ, औषधी निकाल्न ।

औषधी दिन्छौ, नसोचेको प्रभाव निकाल्न ।

जीवन-चक्र भित्र तिम्रा यस्ता अनगिन्ति चक्र ।

    यी  चक्रले नै, मानिस सब एक अर्कासित वक्र ।।